Перайсці да зместу
EMAPKA бэта

Пасля ўсталявання

Першы экран амаль пусты, і гэта нармальна. Нічога не адбылося, бо нічога яшчэ не створана. Гэтая старонка вядзе ад пустога экрана да працоўнай размовы.

Калі EMAPKA адкрываецца, тры кнопкі пагашаныя, а актыўная адна птушка. На ёй напісана:

Дазваляю адпраўку тэхнічных дыягнастычных логаў

Надпіс на першым экране праграмы

Пакуль вы яе не паставіце, тры кнопкі застаюцца недаступнымі. Побач ёсць спасылка — З чым вы згаджаецеся — і яна вядзе да таго ж тлумачэння, якое можна прачытаць тут: Прыватнасць. Дыягнастычныя логі — пра збоі і памылкі. У іх ніколі няма таго, што вы пішаце, і таго, каму вы пішаце.

Першы экран. Тры кнопкі прачынаюцца, як толькі пастаўлена птушка.

Калі вы прыйшлі дзеля іншых людзей#

У групе ад двух да дзесяці чалавек, лічачы вас. Хтосьці мусіць яе стварыць, і гэты хтосьці становіцца яе стваральнікам.

  1. Націсніце «Стварыць групу»

    У вас спытаюць імя — яго можна пакінуць пустым, і праграма сама пранумаруе групу.

  2. Выберыце памер

    Ад двух да дзесяці чалавек. Пазней яго можна змяніць; гэта ўсяго толькі колькасць месцаў у групе.

  3. Выберыце тэрмін жыцця

    Адзін дзень, два, тры, сем, трыццаць дзён або бястэрмінова. Калі тэрмін выйдзе, група скончыцца сама.

  4. Націсніце «Стварыць»

    З'явіцца група з пустымі месцамі. Ваша занята, астатнія чакаюць.

  5. Націсніце «Запрасіць удзельніка»

    Праграма пакажа код і квадрат QR для гэтай групы.

  6. Перадайце код чалавеку самі

    Пакажыце яму квадрат, прадыктуйце код па тэлефоне, напішыце на паперы. EMAPKA не разносіць запрашэнні за вас — у гэтым і сэнс.

  7. Ён ставіць EMAPKA і націскае «Далучыцца да групы»

    Скануе квадрат або набірае код, выбірае імя, пад якім будзе ў гэтай групе, і націскае «Далучыцца». Яго месца ў групе займаецца.

Калі вы прыйшлі дзеля сябе#

EMAPKA працуе для аднаго чалавека як закрыты нататнік. Тэкст, дакументы і здымкі застаюцца зашыфраванымі на вашым камп'ютары, і сервер у гэтым наогул не ўдзельнічае.

  1. Пастаўце птушку і націсніце «Стварыць групу»

    Нават нататнік жыве ўнутры групы — так уладкавана праграма. Дайце ёй імя або пакіньце пустым.

  2. Стварыце яе

    З'явіцца група з вашым месцам і пустымі астатнімі. Нікога не запрашайце.

  3. Націсніце на ўласнае месца

    Адкрыецца размова з самім сабой. Праграма называе гэта Нататкі.

  4. Пішыце і далучайце

    Усё, што вы туды пакладзяце, шыфруецца на гэтым камп'ютары. Да аднаго паведамлення можна далучыць не больш за 10 файлаў.

Канал +1#

Знутры групы можна адкрыць Канал +1 — размову роўна на дваіх. Ён нараджаецца з групы, але ёй не належыць: перажывае яе выдаленне, і закрыць яго могуць толькі гэтыя двое. Больш ніхто не бачыць, што ён існуе.

Чаго чакаць#

Даўжыня паведамлення
Да 24 000 байт — каля 12 000 знакаў. Больш доўгі тэкст давядзецца падзяліць. Над пашырэннем мяжы ідзе праца.
Файлы
Да аднаго паведамлення можна далучыць не больш за 10 файлаў.
Няма сеткі
Паведамленне чакае ў чарзе і сыходзіць, калі сувязь вернецца. Нічога не губляецца.
Імёны
Імя сабе вы выбіраеце асобна ў кожнай групе. Групы не ведаюць адна пра адну — і вашы імёны ў іх таксама.
Выхад і выдаленне
Удзельнік можа выйсці сам. Стваральнік можа выдаліць удзельніка або ўсю групу. Выдаленне канчатковае: сыходзяць ключы, а з імі і ўсё, што імі закрыта.

Дзве рэчы, якія нельга адмяніць#

Што праграма збірае і чаго не збірае ніколі

Старонка абноўлена: